Xroniki böyrək xəstəliyinin əsas səbəbləri və müalicəsi

Xroniki böyrək xəstəliyi ya da xalq arasında böyrək çatışmazlığı olaraq bilinən narahatçılıq, böyrəklərin zaman ərzində funksiyasını itirməsi və ya azalması vəziyyətində meydana gələn bir sağlamlıq problemi formasında ifadə edilir. Xroniki böyrək xəstəliyi yavaş və simptomlar müəyyənləşməmiş irəliləyə bilir. Altda yatan səbəbə bağlı olaraq xəstəliyin irəliləməsi ilə birlikdə böyrəklərdə çatışmazlıq meydana gəlir. Xroniki böyrək çatışmazlığı müalicəsi xəstəliyin vəziyyətinə bağlı olaraq şəxsə özəl planlanır.

Doktorinfo.az xəbər verir ki, xəstəlik, böyrək funksiyalarının itkisi ilə irəli mərhələdə ortaya çıxır.

Xroniki böyrək xəstəliyi, əksər vaxt erkən zamanlarda əlamət verməyən və boyrek funksiyalarının itirilməsi ilə irəli mərhələdə ortaya çıxan xəstəlik olaraq bilinir. Xəstəliyin əlamətləri hər xəstədə fərqli olmaqla bərabər bir sıra səbəblərlə ortaya çıxa bilər.

Bəzi yayılan səbəblər aşağıdakı kimidir:

Diabet – Yüksək qan şəkəri səviyyələri səbəbiylə böyrək zədələnməsinə yol aça bilər. Böyrəklər, qanı temizleyerek artıq şəkər və atıqları vücuddan uzaqlaşdırmaqla məşğul olur. Ancaq mütəmadi olaraq yüksək qan şəkəri, böyrəklərin bu funksiyanı yerinə gətirə bilməməsinə səbəb ola bilər.
Yüksək təzyiq – Böyrək toxumasına zərər verərək böyrəklərdə damarların daralmasına da yol aça bilər. Bu da böyrək funksiyalarının zamanla azalmasına səbəb ola bilər.

Genetika – Ailə keçmişi, xroniki böyrək xəstəliyinin riskini artıra bilər. Əgər ailənizdə bu problem varsa, bu xəstəliyə yoluxmaq riski digər xəstələrlə müqayisədə daha yüksəkdir.

Dərmanlar – Müəyyən dərmanlar böyrəklərə zərər verə bilər. Xüsusillə xroniki ağrı və ya revmatizma müalicəsində istifadə edilən bəzi dərmanlar böyrəklər üzərində mənfi təsirə səbəb ola bilər. Bu vəziyyət böyrəklərin funksiyalarini pozaraq funksiyaları yerinə gətirə bilməməsinə səbəb ola bilər.

Otoimmun xəstəliklər – Bəzi belə xəstəliklər vücudun öz böyrək toxumasına hücumuna səbəb ola bilər.

Müalicə üsulları xəstəyə görə deyisiklik göstərir

Xroniki böyrək xəstəliyinin müalicə seçimləri, xəstəliyin mərhələsi, səbəbləri, şəxsi vəziyyətə bağlı olaraq dəyişə bilər. Müalicə seçimlərinin bəziləri bunlardır:

Pəhriz və həyat tərzi – Az duzlu, aşağı proteinli bir pəhriz, təzyiqi nəzarət altına ala bilməklə yanaşı böyrəkləri də qoruya bilir.
Dərmanlar – Bəzi dərmanlar, böyrək zədələnməsini yavaşlada bilər və ya simptomları azalda bilər. Xüsusilə də şəxsin təzyiq və diabet nəzarəti üçün dərmanları istifadəsi olduqca vacibdir.

Dializ – Qanı təmizləmək və vücuddakı artıq mayeni uzaqlaşdırmaq üçün istifadə edilən bir müalicədir. Böyrək funksiyaları çox azaldığında və ya tamamilə dayananda dializ müalicəsi gərəkli ola bilir.

Böyrək nəqli – İrəli mərhələlərdə böyrək nəqli bir seçim olaraq qarşınıza çıxa bilər. Sağlam bir donordan alınan böyrək, xəstənin həyat keyfiyyətini əhəmiyyətli dərəcədə artıra bilər.

Şahanə Quliyeva