Diş ağrısı

Diş ağrısı, dişin daxilində və ya ətrafında yaranan ağrıya verilən addır. Bəzi ağrılar müdaxiləsiz keçsə də, bəziləri üçün müalicəyə ehtiyac vardır. Adətən diş və ağız problemlərindən qaynaqlanır.

Doktorinfo.az məlumat verir ki, diş içində mövcud olan sinirlər, toxumalar, qan damarları ilə dolu yumşaq quruluşa sahibdir.

Dis agrisinin sebebleri nelerdir?

Diş çürüyü

Diş minasında aşınma

Yanlış diş telləri

Dişin mərkəzində baş verən bakterial infeksiyadan yaranan diş absesi

Qırıq diş

Diş plombunda yaranan zədə

Saqqız çeynəmə, dişləri sıxma və ya bir-birinə sürtmə kimi təkrarlayan hərəkətlərdən qaynaqlanan diş zədələnməsi

Diş əti infeksiyası

Sinusit

Retension dişlər və s.

Dis agrilarinin elametleri nelerdir?

Ən çox yayılanı beyin sinirinə təsir edən, narahat edən, uzunmüddət davam edən ağrılardır.
Diş ətrafında şişlik görülə bilər. Bəzilərində qızdırma və ya baş ağrısı müşahidə olunur.

Diş ağrısı necə keçir?

Bu diş ağrısının səbəbindən asılıdır. Bəzən diş əti zədələnməsi səbəbindən yaranan ağrılar müalicəsiz keçə bilər. Bu zaman yumşaq qidalara üstünlük verilməlidir. Əgər dişlərdə həssaslıq varsa, şirniyyatlardan, soyuq, çox isti qidalardan imtina edilməlidir.
Diş ağrısının düzgün müalicəsi necə edilməlidir?

Diş ağrılarının düzgün müalicəsi stomatoloqlar tərəfindən edilir. Əgər ağrılar getdikcə şiddətlənirsə bu, ev üsulu müalicə ilə keçməz. Ağrılar şiddətləndikcə diş ağrısına qulaq ağrısı da əlavə edilə bilər. Əgər qulaq ağrısı, minimal qızdırma, üzdə şişlik varsa vaxt keçmədən həkimə müraciət etməyiniz tövsiyə edilir. Dis agrisinin səbəbini tapmaq üçün rentgen də tələb edilə bilər. Ağrılar dözülməz həddə olsa da, müalicədən sonra qalıcı ağrı yaratmaz.

Adətən yaranan çürüklər dişdə ağrıya səbəb olur. Bu zaman isə çürük təmizlənərək plombla restavrasiya edilir.

Bəzən isə çürük irəlilədiyindən dişin sinirini zədələyir. Bu isə şiddətli ağrılara yol açır. Bu zaman isə müalicə əsnasında sinir də çıxarılır. Əks halda bu formada çürük təmizlənsə belə qısa müddətdən sonra diş yenidən ağrıya və şişə bilər. Nəticədə isə istənilməyən ağır problemlər yarana bilər.

Sinirin zədələnib-zədələnmədiyinə isə stomatoloq qərar verir. Çıxarılsa belə bu prosedur ağrısız aparılır. Keyidici iynədən istifadə edilərək müalicə tam ağrısız formada keçirilir.

Diş ağrılarının təbii üsulla müalicəsi

Çayağacı yağından istifadə edə bilərsiniz. Antiseptik xüsusiyyətə malikdir. Pambığa yağından damlatdıqdan sonra ağrıyan nahiyəyə qoya bilərsiniz.

Bəzi diş ağrılarında bitki dəmləmələri effektiv ola bilər. Xüsusilə də diş əti ağrıları, şişlik zamanı bitki dəmləmələrini etmək vacibdir.
Palıd qabığı dəmləməsi, diş əti çəkilmələri, diş laxlaması zamanı effektivdir.

Çobanyastığı dəmləməsi ağrıları azaldacaqdır.

Nanə çayı içərək və ya nanə çayı dəmləyib soyuq halda ağrıyan yerə qoyaraq dişə tətbiq edə bilərsiniz.

Çürük diş ağrıyan zamanı oyuğa bir mixək qoymaq, həmçinin valeryan damcılarında isladılmış pambıq qoymaq da ağrını azaltmağa kömək edəcəkdir.

Sodalı, duzlu su ilə qarqara diş əti şişlikləri zamanı əhəmiyyətli dərəcədə effektə sahibdir.

Diş ağrısının yaranmaması üçün nələr edilməli?

Bir çox diş ağrısı dis curumesinin nəticəsində meydana çıxdığı üçün diş təmizliyinə diqqət göstərməlisiniz.

Mütəmadi olaraq diş fırçalamaq, ağız vannaları çürükdən qoruya bilər.

Gün ən az bir dəfə diş sapından istifadə edilməlidir.

Bununla birlikdə şəkər miqdarı aşağı olan qidalar yeyilməlidir. Bu, dişlərin daha uzunmüddət sağlam qalmasına kömək edəcəkdir.

Qeyd edək ki, irəliləyən diş problemləri dişin çıxarılması ilə nəticələnə bildiyi üçün zamanında stomatoloqa müraciət etmək tövsiyə edilir.

Şahanə Quliyeva