Su çiçəyi: Simptomları və müalicəsi

Su çiçəyinin tibbi adı variselladır. Yeniyetməlik çağından öncəki ərəfələrdə daha çox rast gəlinir. Adətən ağırlaşmadan sağalma prosesi baş verir. Xəstəliyin səbəbi virusdur. Su çiçəyi bir dəfə keçirildikdən sonra orqanizm həyat boyu immunitet qazanır, ancaq buna baxmayaraq nadir də olsa təkrarlaya bilər.

Doktorinfo.az xəbər verir ki, ən çox 5-10 yaşlarında, qış sonu və yaz aylarında müşahidə edilir. Çox yoluxucudur. Hava damcı yolu ilə yoluxur. Su çiçəyi keçirən şəxs, xəstəlik əlamətləri başlamazdan iki gün öncə xəstəliyi yoluxdurmağa başlayır. Yoluxuculuq yaralar qabıqlayana qədər davam edir.

Su ciceyinin elametleri nelerdir?

Xəstəliyin əsas göstəricisi içi su dolu səpkilərdir. Səpkilər başlanğıcda şəffaf, daha sonra bulanıq bir hal alır. Qaşıntılı olur və hər nahiyə səpə bilər. Ağız içərisində də səpkilər müşahidə edilə bilər.

Su ciceyi kimler ucun risklidir?

Yeni doğulan körpələr

28 həftədən öncə dünyaya gələn körpələr

Xərçəng xəstələri

İmmuniteti aşağı olanlar

Hamilələr
Su çiçəyi zamanı istənilməyən vəziyyətlər nələrdir?

Adətən yüngül keçən xəstəlik olsa da nadirən ağırlaşmalar mümkündür.

Ağırlaşmalar nəticəsində xəstəlik sətəlcəmə çevrilə bilər. Bunun isə hətta ölümlə nəticələnmə ehtimalı var. Su çiçəyi əsəb sistemi ilə bağlı problemlərə yol aça bilər. Çox nadirən su çiçəyindən sonra ürək zərlərində iltihablanma, mədədə qastrit, böyrək, oynaq iltihabı baş verir.

Səpkilərə və formalarına, əlamətlərinə görə diaqnoz qoyulur.

Su çiçəyinin mualicesi nece aparılır?

Xəstələrə əlamətlərə görə müalicə edilir. Qızdırma varsa buna uyğun dərmanlar istifadə edilir. Ancaq bu vəziyyətdə aspirin zərərlidir. Çünki beyində iltihaba yol aça bilər. Qaşıntılar üçün antihistamin dərmanlardan, məlhəmlərdən istifadə edilir. Qətiyyən səpkilər qaşınmamalıdır.

Xəstələrə tövsiyələr:

Dəridəki qasintini azaltmaq və mikrobdan qorumaq üçün gündəlik duş almaq tövsiyə edilir. Dırnaqlar qısa kəsilməlidir. Belə xəstələr işə, uşaqlar məktəbə, bağçaya getməməlidirlər.
Bu əlamətlər yaranarsa mütləq həkimə müraciət etmək lazımdır:

Dəridə anormal qızarıqlıq, şişlik

Ağız quruluğu

İdrara gedə bilməmək

Əsəbilik, uyuşma

Qüvvətli öskürək, nəfəs darlığı

Yeriməkdə çətinlik

Şiddətli baş ağrısı

4 gündən artıq davam edən qızdırma

Boyun və bel ağrısı

Su çiçəyindən qorunmağın yolu vurulan peyvənddir.
Kimler su ciceyi peyvendini vurdurmalidir?

12-18 ay arasındakı bütün körpələr

Daha öncə bu xəstəliyi keçirməmiş və peyvənd olunmamış uşaqlar (13 yaşına qədər tək doza, üzəri olanlar üçün 4-8 həftə arası bütün uşaqlara)

Daha öncə xəstəlik keçirməyən, peyvənd olunmayan böyüklər

Tibb işçiləri

Şahanə Quliyeva