Dişləri ev üsulu ilə bəyazlatmaq doğrudurmu?

Diş ağartma, şəxsin dişlərinin rəngini daha açıq tona çatdırmaq üçün bəyazlatmaq üzrə istifadə edilən üsullara verilən addır. İnsanların dişləri müxtəlif səbəblərlə ləkələnə bilər və ya rəngi dəyişə bilər. Ancaq bəyazlığını itirən dişləri təkrar daha parlaq və bəyaz etməyin bir neçə növü vardır. Bu prosedur sadəcə stomatoloq tərəfindən edilə bilər.

Dişi ağartmaq üçün gellərdən də istifadə edilir. Bu müəyyən aralıqlarla edilir. Bu prosedurla dişin rəngi bir neçə ton açıla bilər.

Doktorinfo.az xəbər verir ki, digər ağartma üsulu isə dişin rəngini bir neçə ton aça bilən "power bleaching" adı verilən prosedurdur. Bu üsulda dişlər ağardıcı ilə bağlanılır və bu ağardıcı bir işıq ya da lazer vasitəsilə həyata keçirilir.

Dişlər necə rəng dəyişdirir?

Dişlərin rəng dəyişdirməsinin həm xarici həm də daxili səbəbləri vardır. Dişlərin ilk olaraq ləkələnmə sebebini bilib prosedura ona görə qərar verilməlidir.

Xarici rəng dəyişikliyi təməl olaraq xaricdən gələn faktorlara yəni qidalara, içkilərə və ya siqaret çəkmə vərdişlərinə görə baş verir. Qida boyaları, tütün məhsulları bu növ ləkələnmələrə yol açır.

Daxili rəng dəyişkənliyi isə dişin içindən qaynaqlanır. Dərman istifadəsi, uşaqlıq dövrü xəstəliyi, infeksiya, diş travması səbəbiylə rəng dəyişkənliyi ola bilər.

Şəxslər ləkəli dişlərini ağartmada kömək olsun deyə bəzən apteklərdə satılan məhsullardan istifadə edirlər. Bezen isə bu növ məhsulların reklamı güclü olduğundan şəxslər buna inanırlar. Ancaq qeyd edək ki, belə məhsulların tərkibində həkimlərin istifadə etdiyi maddələr ya olmur ya da çox az olur. Bu da effektiv olmur.
Ağardıcı diş məcunlarında karbamid peroksid istifadə edilmir. Əksinə bu diş məcunları kimyəvi mavi kovarin kimi müxtəlif maddələrlə dişlərinizin səthini hədəf alır. Bəyazlaşdırıcı diş məcunlarının faydalı ola bilməsi üçün zaman ala bilər. Ancaq içərisində mavi kovarin mövcud olan bəyazlaşdırıcı diş məcunları, tərkibindəki kimyəvi maddə sayəsində şəxsin dişlərinin daha bəyaz görünməsini təmin edir.

Aktiv kömür, diş agartmaq üçün istifadə edilən ev üsullarından biridir. Bu növ üsulların dişləri ağartdığı və ya güvənli formada dişə zərər vermədən istifadə edilə biləcəyinə dair fikirlər səslənir. Bu, tibbi olaraq öz təsdiqini tapmasa da insanlar arasında geniş yayılıb. İstifadədən öncə həkimlə msələhətləşmək tövsiyə edilir.

Şahanə Quliyeva