Südünüz körpəni doydururmu? - Öyrənməyin yolları
Hazırda kifayət qədər körpələr üçün hazır qidalar satılır. Bir çox qadınlar isə övladı üçün belə qidaların doydurucu olduğunu zənn edirlər.
Doktorinfo.az xəbər verir ki, mütəxəssislər isə ana südünün bütün qidalardan üstün olduğunu və yeni doğulan körpəyə sadəcə ana südünü verməyi vacib bilirlər. Təbii ki, bəzən mecburi səbəblərdən ana verə bilmir. Ancaq öz istəyi ilə də hazır qidalara qaçanlar az deyil. Bir qism analar isə südünün çatmadığından narazıdır və ya yetib-yetmədiyi barədə məlumatsızdırlar.
Bəs necə bilmək olar ki, körpə ana südü ilə doyurmu ya yox?
Pediatrlar bunun üçün usagın çəkisini diqqətdə saxlamağın vacib olduğunu bildirirlər. Belə ki, birinci ayda 600 qr, növbəti aydan 6-cı aya qədər 700-800 qr artım olmalıdır. Bir yaşına kimi hər aya 400 qr çəki artmalıdır. Əgər uşaqda bu istiqamətdə getmirsə, bez dəyişimi gün ərzində çox azlıq təşkil edirsə deməli ana südü kifayət qədər deyildir.
Kökəlmək uşağın doymağının göstəricisi ola bilməz.
Həmçinin hazır qida verən analar da onun uşağa əks təsir verib-vermədiyinə diqqətlə yanaşmalıdırlar. Çünki bəzən hazır qida uşağın orqanizminə düşmür və əks reaksiya, allergiya və s. kimi problemlər yaradır. Bunun üçün hansısa xoşagəlməz hal gördükdə mütləq pediatrınıza müayinəyə gedin.
f Paylaş