Uşaqlar arasında yayılan rotavirus xəstəliyi nədir?
Rotavirus, xüsusilə 5 yaşdan aşağı uşaqlarda ishala səbəb olan çox yayılmış infeksiya növüdür. 9 fərqli növü mövcud olan rota virusların içərisində ən çox yayılan infeksiyaya səbəb olan qrup Rotavirus A formasıdır. 6-24 ay arasındakı uşaqlarda daha çox müşahidə edilir. Xəstəliyin erkən diaqnozu və müalicəsi əhəmiyyət kəsb edir.
Rotavirus necə yoluxur?
İshal hələ başlamamış da xəstəliyin infeksiyası mövcud ola bilər. Həmin infeksiyanın hansısa hamam və ya tualetə bulaşması nəticəsində canlı qala bilər. Məsələn, bu xəstəliyə yoluxan uşaq və ya böyüklər əgər tualet ehtiyaclarını gördükdən sonra əllərini yumurlarsa, toxunduqları əşyalar, hazırlanan qidalar vasitəsilə yoluxma riski olduqca yüksəlir. Əsas yoluxma təmas yolu ilə olur.
Əlamətləri nələrdir?
Əlamətlər adətən yoluxduqdan 2-4 gün arasında meydana çıxır. Fərqli simptomlarla özünü göstərə bilər. İlk sırada ishal və qusma yer alır.
Bundan əlavə:
Yorğunluq
Qarın ağrısı
Əsəbilik
Ani yüksələn temperatur
Əgər bu əlamətlərə dərhal müdaxilə edilməsə bədəndəki maye azala bilər. Bu da uşağın halının daha da pisləşməsi ilə nəticələnər.
Diaqnoz necə qoyulur?
Həkimin müayinəsi və verilən sidik, qan analizi ilə xəstəliyin növü deyilə bilər.
Müalicəsi
İmmun sistemi güclü olan uşaqlarda bir neçə günə simptomlar azalmağa başlayacaqdır. Bu xəstəliyə qarşı xüsusi dərman preparatı mövcud deyil. Ancaq mövcud simptomlara uyğun həkim dərmanlar təyin edə bilər. Xüsusilə də ishalın, qusmağın qarşısı dərhal alınmalıdır. Bundan əlavə xəstə bol maye qəbul etməlidir.
Əgər uşaq hələ körpədirsə ana tez-tez əmizdirə bilər. Bu, körpənin vücudundakı maye itkisinin qarşısını alacaqdır.
Şəkərli və yağlı qidalardan, içkilərdən uzaq durmaq tövsiyə edilir. Çünki bunlar ishal və qusmağın şiddətini artıracaqdır.
Suyu yeməklərə üstünlük verilməlidir.
Xəstə dincəlməli və uzanaraq xəstəliyin simptomlarının azalmasına dəstək ola bilər. Gigiyenaya diqqət göstərmək lazımdır.
İstilik 40 dərəcəyədək qalxa biləcəyindən, qızdırmanı endirən dərmanların istifadəsi və maye qəbulu vacibdir.